देउवा पक्ष निर्वाचन तालिका स्थगन गर्न आयोगमा

पूर्ण विवरण

नेपाली कांग्रेसका शेरबहादुर देउवा पक्षले फागुन २१ मा हुने प्रतिनिधि सभा निर्वाचनको तालिका स्थगन गर्न निर्वाचन आयोगमा निवेदन दायर गरेका छन्। देउवा समूहका नेता मीन विश्वकर्माले आयोगमा दिएको जानकारी अनुसार, उनले सर्वोच्च अदालतमा दायर गरिएको रिटको प्रमाणित पत्र लिएर आयोगमा पुगेका हुन्। यस रिटमा उम्मेदवारी चयन रोक्न र निर्वाचन आयोगका निर्णयहरुलाई खारेज गर्न भनिएको छ। माघ ६ मा निर्वाचनका लागि मनोनयनको तालिका तय भइसकेको छ।