राष्ट्रिय सभा सदस्यको निर्वाचन आज

पूर्ण विवरण

आज बिहान ९:०० बजे देखि दिउँसो ३:०० बजेसम्म राष्ट्रिय सभा सदस्यको निर्वाचन हुनेछ। निर्वाचन आयोगका अनुसार २०८२ फागुन २० गतेदेखि रिक्त हुने १८ पदका लागि मतदान हुने हो। कोशी प्रदेशमा खस आर्यतर्फको एउटा पदमा नेपाली कांग्रेसका सुनिलबहादुर थापा निर्विरोध चयन भएका छन्, जबकि बाँकी १७ पदका लागि मतदान गरिनेछ। मतदानका लागि देशका सातै प्रदेशका विभिन्न केन्द्र र स्थल निर्धारण गरिएका छन्। यस निर्वाचनमा प्रदेशसभा सदस्य, नगरप्रमुख, उपप्रमुख र गाउँपालिकाका अध्यक्ष र उपाध्यक्षले मतदान गर्नेछन्।