चितवनमा ६५ जनाले दर्ता गरे उम्मेदवारी

पूर्ण विवरण

चितवनमा फागुन २१ गते हुने प्रतिनिधिसभा सदस्य निर्वाचनका लागि ६५ जनाले उम्मेदवारी दर्ता गराएका छन्। उम्मेदवारी दर्ताको प्रक्रिया मङ्गलबार सम्पन्न भएको हो। जिल्लामा तीन निर्वाचन क्षेत्र छन्, जसमा क्षेत्र १ मा १९ जना, क्षेत्र २ मा २३ जना र क्षेत्र ३ मा २३ जना उम्मेदवार छन्। यीमध्ये क्षेत्र १ मा ४ जना र क्षेत्र २ र ३ मा ६/६ जना उम्मेदवार स्वतन्त्र रहेका छन्, जबकि बाँकी उम्मेदवार राजनीतिक दलका छन्।